„თიმვორქი“ და „თიმბილდინგი“—ორი მნიშვნელოვანი ასპექტი ორგანიზაციული წარმატებისთვის
„თიმვორქი“ (teamwork) და „თიმბილდინგი“ (team-building) ნებისმიერი კომპანიისთვის კრიტიკულად მნიშვნელოვანი ფაქტორებია—ისინი უზრუნველყოფენ ეფექტურ მუშაობას და ხელს უწყობენ ჯანსაღ კორპორაციულ კულტურას, რაც საბოლოო მიზნის, ანუ ორგანიზაციული წარმატების მიღწევაში გვეხმარება.
მიუხედავად იმისა, რომ ხშირად ამ ორი ტერმინი ერთდროულად გამოიყენება, მათი შინაარსი განსხვავებულია. დღეს განვიხილავთ, როგორ განასხვავებენ ერთმანეთს ამ ცნებებს და რა როლი აქვთ მათ სამუშაო გარემოში.
ბევრ თანამშრომელს შეიძლება აერიოს ეს ტერმინები, რადგან ისინი გრამატიკულად და ვიზუალურად ჰგვანან ერთმანეთს, თუმცა სრულიად განსხვავებულ კონცეფციებს წარმოადგენენ. თუკი „თიმვორქი“ ჯგუფის ფუნქციონირებაზეა კონცენტრირებული, „თიმბილდინგი“— ჯგუფის ფორმირებაზეა მიზანმიმართული.
თვითმიზნის მისაღწევად აუცილებელია, რომ ეს ორი ასპექტი პარალელურად მოქმედებდეს. როდესაც ადამიანები გუნდურად მუშაობენ, ეს მნიშვნელოვნად ზრდის სამუშაოს ეფექტიანობას და აძლიერებს თანამშრომელთა ჩართულობის დონეს.
მოდით, დეტალურად მივხედოთ ამ ორ ასპექტს და გავარკვიოთ, რით განსხვავდებიან ისინი ერთმანეთისგან.
განმარტება – TeamWork?
Business Dictionary-ის მიხედვით, „თიმვორქი“ განისაზღვრება, როგორც „თანამშრომლობის პროცესში მიზნის მიღწევა ჯგუფთან ერთად.“ გუნდში მუშაობა თანამშრომლებს უბიძგებს ერთობლივი ძალისხმევისკენ, პერსონალური კონფლიქტების მეორე პლანზე დაყენებით.
“თიმვორქი“ წარმოადგენს იმ ეფექტური თანამშრომლობის შედეგს, როდესაც ადამიანები ერთიანდებიან საერთო მიზნისათვის. გუნდის თითოეულ წევრს უნდა ჰქონდეს კარგად განვითარებული კომუნიკაციის უნარები, ურთიერთპატივისცემა, ლიდერობის მაღალი დონე და შედეგზე ორიენტირებული გადაწყვეტილებების მიღების შესაძლებლობა.
როდესაც იდეები და რესურსები თავს იყრის და ჯგუფი სინერგიულად მოქმედებს ერთიანი მიზნის მისაღწევად — სწორედ ამას ვუწოდებთ „თიმვორქს“.
განმარტება – TeamBuilding?
იგივე ბიზნეს-ლექსიკონი „თიმბილდინგს“ განსაზღვრავს, როგორც „უნარს, გამოავლინო და მოტივაცია გაუწიო ინდივიდუალურ თანამშრომლებს, რათა ჩამოყალიბდეს გუნდი, რომელიც ერთიანად რჩება, რომელიც ერთად მუშაობს და ერთად აღწევს წარმატებას.“
1960-იან წლებამდე ტერმინი „თიმბილდინგი“ ცნობილი იყო როგორც „გუნდური სული“ – ამგვარად, თამამად შეიძლება ითქვას, რომ „თიმბილდინგი“ წარმოადგენს გზას, რომლის საშუალებითაც იძლევა გუნდის სულისკვეთების გაძლიერების შესაძლებლობას. ეს ხელს უწყობს წევრებს შორის ურთიერთობების გაუმჯობესებას, პროდუქტიულობის ზრდას და პროექტთან დაკავშირებული საკითხების ღიად განხილვას.
თიმვორქი და თიმბილდინგი — ფორმა თუ ფუნქცია?
„თიმბილდინგი“ გულისხმობს ჯგუფების ფორმირებას კონკრეტული მიზნების მისაღწევად, მაშინ როდესაც „თიმვორქი“ წარმოადგენს გუნდის წევრთა ერთობლივ ძალისხმევას, ინდივიდუალური უნარების გაერთიანებას და მათი მიმართვას საერთო მიზნისკენ.
ძირითადად, „თიმბილდინგი“ წინ უძღვის „თიმვორქს“, რადგან მოიცავს თანამშრომლების შერჩევას სხვადასხვა დეპარტამენტიდან ან ერთი დეპარტამენტის ფარგლებში. გუნდის ლიდერები ცდილობენ შექმნან ისეთი ჯგუფები, რომელთა წევრები ერთმანეთის ძლიერი მხარეების გამდიდრებას და სუსტი მხარეების გაძლიერებას შეძლებენ.
რა არის თიმბილდინგი?
გუნდი არის ადამიანების ერთობა, რომელიც ერთად მოქმედებს საერთო მიზნის მისაღწევად. მთავარი ამოცანაა ისეთი ადამიანების შერჩევა და გაერთიანება, რომ ისინი წარმოიქმნან მაღალპროდუქტიულ გუნდად. გუნდის ლიდერმა უნდა შეარჩიოს თანამშრომლები, რომლებიც განსხვავებული უნარებითა და გამოცდილებით გამოირჩევიან და ერთმანეთის შესაძლებლობებს გააძლიერებენ.
„თიმბილდინგი“ ორი ძირითადი მიმართულებით მუშაობს: პირველი—გუნდური წევრების შერჩევა ერთსა თუ სხვადასხვა დეპარტამენტიდან და მეორე—მათი ჩართულობა მიზანზე ორიენტირებულ აქტივობებში.
მენეჯერებს შეუძლიათ გუნდის დაკომპლექტება ინტერვიუს საფუძველზე ან სტრატეგიულად, წარსული გამოცდილებისა და შედეგების გათვალისწინებით. იმისათვის, რომ პროფესიული განვითარება წაახალისონ და კონფლიქტები მინიმუმამდე შეამცირონ, შესაძლებელია სხვადასხვა ტიპის „თიმბილდინგის“ აქტივობების ორგანიზება. თუ საქმე შორეულ გუნდებთან გაქვს, შეიძლება გამოიყენო ვირტუალური „თიმბილდინგის“ პრაქტიკებიც.
„თიმბილდინგის“ თამაშები აძლიერებს „თიმვორქს“ და ხელს უწყობს გუნდს, იმუშაოს ერთიანი მექანიზმის მსგავსად. აქტივობები შეიძლება იყოს მრავალფეროვანი — დაწყებული მხიარული სიტყვებით თამაშებით, დამთავრებული ინტელექტუალურ „საგანძურის ძიებით“. (scavenger hunts)
თიმბილდინგის მიზნები მოტივაციისა და გუნდის სულისკვეთების გაძლიერება
C&IT/Center Parcs-ის მიერ ჩატარებულმა გამოკითხვამ, რომელიც შემოქმედებითი ღონისძიებების ორგანიზატორებს შორის ჩატარდა, აჩვენა, რომ 80%-ზე მეტი მათგანი ატარებს „თიმბილდინგის“ აქტივობებს გუნდის მოტივაციისა და მორალის ასამაღლებლად.
იმისთვის, რომ გუნდმა მაქსიმალური შედეგი აჩვენოს, აუცილებელია თითოეული წევრი იყოს მოტივირებული, ჰქონდეს ნდობა როგორც ჯგუფის მიზნების, ასევე კოლეგების მიმართ. „თიმბილდინგის“ აქტივობები თანამშრომლებს უნერგავს საერთო მიზნის განცდას, რაც მათ შთააგონებს, პროფესიულ ამოცანას პასუხისმგებლობით და უნაკლოდ მიუახლოვდნენ.
თანამშრომელთა შენარჩუნება და ჩართულობის ზრდა: თიმბილდინგის მნიშვნელოვანი მიზნები
თანამშრომელთა შენარჩუნების ხელშეწყობა
ეს იყო მეორე ყველაზე პოპულარული მიზეზი, რომელიც პროფესიონალებმა აღნიშნეს თიმბილდინგის აქტივობების ჩატარებისას. მათი თქმით, მსგავსი აქტივობები წარმოადგენს ეფექტური გუნდის ფორმირების მნიშვნელოვან საშუალებას. როდესაც თანამშრომლები მოტივაციას და პროფესიულ ძალას განიცდიან, მათ სამუშაოს მიმართ სიამოვნება უჩნდებათ. ეს შიდა კმაყოფილება მათ საქმიანობაში აისახება და საერთო ორგანიზაციული კულტურის გაუმჯობესებას უწყობს ხელს. შედეგად, თანამშრომლებს არ რჩებათ მიზეზი სამუშაო ადგილის დატოვებისთვის.
თანამშრომელთა ჩართულობის გაზრდა
ორგანიზაციულ სივრცეში თანამშრომლებს უწევთ გუნდური მუშაობა. როცა მათ ჰყავთ გუნდი, რომლის წევრებთანაც შეუძლიათ იდეების გაცვლა და მიზნების ერთობლივი მიღწევა, იწყებენ ინვესტირების პროცესს როგორც ორგანიზაციის, ისე მისი ხალხის მიმართ. ამგვარად, თანამშრომლები იწყებენ ორგანიზაციული წარმატების განცდას, რადგან ისინი გუნდის ნაწილად გრძნობენ თავს. საბოლოოდ, ეს ფორმირდება მაღალმოტივირებულ გუნდებად, რომლებიც არიან ემოციურად დაკავშირებულნი ორგანიზაციასთან და ძალღონეს არ იშურებენ საერთო მიზნების მისაღწევად.
რა არის თიმვორქი?
„თიმბილდინგის“ პროცესში ფორმირდება ჯგუფები და გუნდის წევრებს ეძლევათ საჭირო ცოდნა და უნარები, რათა წარმატებით შეასრულონ დაკისრებული პასუხისმგებლობა. მას შემდეგ, რაც ჯგუფი ჩამოყალიბდება და მისი წევრები გამოირჩევიან შესაბამისი გამოცდილებითა და კომპეტენციით, ისინი უკვე მზად არიან გუნდური მუშაობის – „თიმვორქის“ შესასრულებლად.
გუნდის წარმატებისთვის აუცილებელია არა მხოლოდ ფუნქციური ერთიანობა, არამედ თანამშრომლების მზაობაც – ერთმანეთის მიღების, პატივისცემისა და საერთო მიზნისკენ სვლისთვის. როგორც ცნობილმა ბეისბოლის ვარსკვლავმა, ბეიბ რუთმა ჭკვიანურად აღნიშნა:
„გუნდის მთლიანად თამაშის სტილი განსაზღვრავს მის წარმატებას. შეიძლება მსოფლიოს უძლიერესი ინდივიდუალური ვარსკვლავები გყავდეთ, მაგრამ თუ ერთად არ თამაშობენ, გუნდი ერთი ცენტის ღირსიც კი არ იქნება.“
იმისთვის, რომ თანამშრომლები ერთიანი გუნდის მსგავსად იმუშაონ, აუცილებელია „თიმვორქის“ ძირითადი კომპონენტების სწორად ფუნქციონირება. ეს მნიშვნელოვანი ასპექტებია:
- განსაზღვრული როლები და პასუხისმგებლობები — თითოეულ წევრს უნდა ესმოდეს, რას მოითხოვს მისგან გუნდი და რა ფუნქცია აკისრია საერთო მიზნის მისაღწევად;
- ძლიერი შიდა კომუნიკაცია — ღია და გამჭვირვალე ინტერაქცია უზრუნველყოფს ინფორმაციის სწორ და დროულ მიმოქცევას;
- პარტნიორული პატივისცემა — წარმატებული თანამშრომლობა იწყება ერთმანეთის ღირებულებებისა და სამუშაო სტილის პატივისცემით;
- მრავალფეროვანი შეხედულებების მიღება — განსხვავებული აზრის მქონე ადამიანების ინტეგრაცია აძლიერებს ინოვაციურობას და აუმჯობესებს გადაწყვეტილებების ხარისხს;
- კონსესუსამდე მისასვლელი დიალოგის კულტურა — გუნდში გადაწყვეტილებების მიღება უნდა ეფუძნებოდეს განხილვას, არგუმენტებსა და საერთო შეთანხმებას;
- ყველას ჩართვა გადაწყვეტილების პროცესში — თითოეული თანამშრომელი უნდა გრძნობდეს, რომ მისი აზრი მნიშვნელოვანია;
- თავისუფლება და ავტონომია — როდესაც წევრებს აქვთ სივრცე დამოუკიდებლად საქმიანობისთვის, ისინი სრულად იყენებენ საკუთარ პოტენციალს;
- ძლიერი ლიდერული უნარები — ლიდერი ქმნის გუნდის ხედვას, ინსპირაციას და ორგანიზებულობას;
- ინოვაციური აზროვნების უნარი და საჭირო პროფესიული კომპეტენცია — გუნდს სჭირდება შემოქმედებითი ხედვა და შესაბამისი გამოცდილება
- პასუხისმგებლობისა და ანგარიშვალდებულების აღქმა — საკუთარი მოქმედებებისადმი პასუხისმგებლობა გუნდის მდგრადობისა და ნდობის საფუძველია.
თიმვორქის მიზნები და პრობლემის გადაჭრა
თუ მრავალფეროვანი შეხედულებები და იდეები სწორად იქნება მართული, მათ შეუძლიათ გადაჭრან ყველაზე რთულ ამოცანებიც კი.
გუნდის წევრებთან პრობლემების გადაჭრის პროცესში შესაძლებელია გამოიყენო არაერთი სტრატეგია, რომლებიც ხელს უწყობენ თანამშრომლურ ანალიზსა და გადაწყვეტილებების მიღებას. თიმვორქის მიზანია საფუძვლიანი და კომპლექსური პრობლემების გადაჭრა, რადგან იგი ეყრდნობა შეხედულებას, რომ განსხვავებული იდეების სინთეზი ქმნის ეფექტურ გამოსავალს.
გუნდური მუშაობა აძლევს თანამშრომლებს შესაძლებლობას გაეცნონ ახალ იდეებს, შეხედულებებს და განივითარონ პრობლემების გადაჭრის განსხვავებული მეთოდები. ეს, თავის მხრივ, უბიძგებს მათ გამოხატონ საკუთარი მოსაზრებები, გააუმჯობესონ კომუნიკაცია და თანამშრომლობა სტიმულირდეს უფრო მაღალი დონეზე.
თანამშრომლობის წახალისება
გუნდში მუშაობა გულისხმობს ერთიან ძალისხმევას საერთო მიზნის მისაღწევად. ამის მიღწევა მხოლოდ მაშინ არის შესაძლებელი, როდესაც გუნდის წევრები ერთმანეთს აძლევენ შესაძლებლობას გამოავლინონ საკუთარი უნიკალური გამოცდილება და ექსპერტიზა.
„თიმვორქის“ მთავარი მისიაა თანამშრომლებს ისეთი უნარები შეასწავლოს, როგორიცაა მოთმინება, ნდობა, მოსმენის კულტურა და საერთო საფუძვლის მოძიების უნარი. ეს უნარები ეხმარება გუნდის წევრებს ერთმანეთთან გახსნილ ურთიერთობაში, რაც მათი პროფესიული ფუნქციის წარმატებით შესრულებას უწყობს ხელს.
გუნდური პროდუქტიულობის გაუმჯობესება
როდესაც ერთ მიზანზე ორიენტირებულ პროფესიონალთა ჯგუფს ქმნი, შედეგის მიღწევა სწრაფად და ხარისხიანად ხდება. არსებობს მრავალფეროვანი ამოცანები, რომლებიც ერთი თანამშრომლისთვის შეიძლება ზედმეტად რთული ან დროის კარგვაა. თუმცა, როდესაც ამ ტიპის დავალებები გადანაწილდება ჯგუფზე, წევრები გეგმავენ მის შესრულებას კოლექტიურად, ეფექტური სტრატეგიების გამოყენებით.
ამის შედეგად იზრდება სამუშაოს შესრულების სიჩქარე, უმჯობესდება თითოეული წევრის ეფექტიანობა და საერთო პროდუქტიულობის დონე.
დასკვნა
მიუხედავად იმისა, რომ „თიმვორქსა“ და „თიმბილდინგს“ შორის აშკარა განსხვავებაა, ისინი ვერ იარსებებს დამოუკიდებლად. წარმატებული გუნდის ასაშენებლად აუცილებელია ისეთი თანამშრომლების შეკრება, რომლებიც ერთმანეთის განსხვავებული შესაძლებლობებს ავსებენ და ჩართულნი არიან აქტივობებში, რომლებიც განვითარებას უწყობს ხელს ისეთ მიმართულებებში, როგორიცაა კომუნიკაცია, თანამშრომლობა და კოლაბორაციული უნარების გაძლიერება.
- წყარო: vantagecircle.com
- თარგმანი: სიმონ ორმოცაძის